Андижон вилояти Булоқбоши туманидаги МЧЖ раҳбари банкдан 500 млн сўм имтиёзли кредит олган. У ушбу маблағга маиший техника жихозларини сотиб олади.
Сўнг техникаларни сотиб, мўмай даромадга эга бўлади. Бироқ техникалар сотувидан тушган пулларни кредит қарздорлигини сўндиришга йўналтирмасдан, ўз эҳтиёжлари йўлида ишлатиб юборгани аниқланди.
Шу каби, Намангандаги МЧЖлардан бирини норасмий бошқариб келган раҳбарлар, МЧЖга тикув дастгоҳларини сотиб олиш учун банкдан 170 млн сўм имтиёзли кредит олишга эришади.
Аммо улар ўз мақсадларига етиб, пулларни олишганидан сўнг бошқа мақсадларда ишлатиб, талон-тарож қилишган.
Мазкур ҳолатлар юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) ва 228-моддаси (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) билан жиноят ишлари қўзғатилиб, тергов ҳаракатлари ўтказилмоқда.
