Омикрон штаммининг янги мутациялари ва бир қанча вирусларнинг кенг тарқалиши Европа ҳамда АҚШни ҳавотирга солмоқда. Мутахассислар эса яқинлашиб келаётган коронавирус тўлқини ҳақида огоҳлантирмоқда. Бу ҳақда "Vaksinauz" "Хабар 24" таяниб хабар бермоқда.
Гап шундаки, CОVID-19 аста-секин чекинаётган бир пайтда Қўшма Штатларда "тридемик" деб аталадиган вирус авж олмоқда. Mаълумотларга қараганда бундан асосан болалар азият чекмоқда. Бундан ташқари, ҳозир нафақат коронавирус, балки бошқа инфекциялар ҳам фаоллашган.
Маълумки, Испания Европа Иттифоқида касалланишлар сони бўйича биринчи бешта давлатдан биридир. Пандемия бошланганидан бери у ерда деярли 14 миллион ҳолат қайд этилган. Юқтирилганларнинг аксарияти, яъни 36 миллиондан ортиғи Францияда. У ерда ниқоблар ёз охиригача бекор қилинган эди, энди эса тегишли бўлим уларни қишда қайтариш таклифини яна кўриб чиқмоқда. Бундан ташқари, Европа дорилар агентлиги пандемия расман тугамаганини таъкидламоқда. Европаликлар келгуси ҳафталарда минтақага таъсир қилиши мумкин бўлган инфекцияларнинг янги тўлқини хавфи ҳақида огоҳлантирилди.
