Хаммамизга маълум, жорий йилнинг 1 январдан бошлаб харид чекини "Soliq" мобил иловасидан рўйхатдан ўтказиб, харид учун сарфлаган маблағимизнинг 1 фоизини яна ҳамёнимизга қайтариб олмоқдамиз.
Солиқ қўмитаси фуқароларга кешбэк суммалари қачон тасдиқланишини яна бир бор эслатмоқда.
Фискал белгили харид чеки Солиқ мобил иловаси орқали сканер қилинганда "Чек муваффақиятли рўйхатдан ўтказилди. Кешбэк суммаси кейинги ойнинг 25-санасидан сўнг тўлаб берилади" хабар пайдо бўлади.
Шу боис, сентябрь ойида рўйхатдан ўтказилган чеклар учун ҳисобланган кешбэк октябрь ойнинг 25-санасидан кейин тасдиқланади.
