Сирдарё вилояти Гулистон шаҳрида бир ёшли қизини 15 минг долларга сотишга уринган аёл қўлга олинди. Бу ҳақда "Замон" дастурида хабар қилинди.
Маълум қилинишича, Бош прокуратура ҳузуридаги департамент ҳамда ДХХнинг Сирдарё вилояти бошқармалари томонидан тезкор тадбир ўтказилган ва аёл 1 ёшли боласи эвазига 15 минг АҚш долларини олаётган вақтида ушланган.
Жиноят ишлари бўйича Сирдарё вилоят судида аёлнинг жинояти кўриб чиқилган. Унга Жиноят кодексининг 135-моддаси (одам савдоси) 3-қисми "а" банди билан айбли деб топилиб, 5 йил муддатга озодликдан маҳрум этилган.
