Туркия президенти Ражаб Тайин Эрдўғон украиналик ҳамкасби Владимир Зеленский билан Киев ва Москва ўртасидаги тинчлик музокараларини муҳокама қилди. Эрдўғон биринчи навбатда можарони дипломатик йўл билан ҳал қилиш йўлини кўриб чиқиш кераклигини қайд этди.
“Эрдўғон Зеленскийга Украинадаги можарони дипломатия йўли билан ҳал қилиш вариантини ҳар қандай шароитда ҳам кўриб чиқиш кераклигини айтди”, — деб ёзади ТАСС. Эрдўғон, шунингдек, Туркия можарони тинч йўл билан ҳал қилишга ҳар қандай зарур ҳиссани қўшишга тайёрлигини билдирди.
Аввалроқ Эрдўғон Туркия Зеленский ва Россия президенти Владимир Путин ўртасидаги учрашувга эришиш ниятида эканини айтганди. Туркия раҳбарининг фикрича, бу Украинадаги махсус операцияни тинч йўл билан якунлаш жараёнини тезлаштиради.
