Қирғизистон мудофаа вазири КХШТ контингентини қирғиз-тожик чегарасига жўнатиш тарафдори бўлди. Бу ҳақда "Спутник Қирғизистон" хабар қилди.
"КХШТ Бош котиби Станислав Зас яқинда Қирғизистонда эди. Мен унга қирғизлар билан тожиклар ўртасида тинчлик бўлмайди, дедим. Нега? Чунки қирғизларнинг ўз ҳақиқати бор, тожикнинг эса ўз ҳақиқати. Ва орамизга ҳакам, масалан, КХШТдан бизнинг баҳсли ҳудудларимиздаги кичик контингент келгунига қадар, тинчлик бўлмайди.
Биринчидан, ўт очишни тўхтатишни назорат қилиш, иккинчидан, давлат чегарасидан оғир қурол ва техникани олиб чиқиш. Агар бу масалалар ҳал этилса, учинчи вазифа – сиёсий вазифа – қирғиз-тожик чегарасини делимитация қилиш масаласини ҳал қилиш мумкин. Бу чегара можароси 30 йил эмас, 98 йилдан бери давом этмоқда”, - деди Бактибек Бекболотов.
