Бош прокуратура томонидан маданий бойликларнинг ноқонуний айланмасига қарши курашиш чораларининг кучайтириш мақсадида “Маданий бойликларнинг ноқонуний айланмасига қарши курашиш чораларининг кучайтирилиши муносабати билан Ўзбекистон Республикасининг Жиноят ҳамда Жиноят-процессуал кодексларига қўшимчалар киритиш тўғрисида”ги Қонун лойиҳаси ишлаб чиқилди.
Лойиҳага кўра, Ўзбекистон Республикаси Жиноят кодекси маданий бойликларни қонунга хилоф равишда эгаллаганлик, Ўзбекистон Республикаси ва хорижий мамлакатлар халқларининг маданий бойликларини Ўзбекистон Республикаси ҳудудига қайтармаслик, қонунга хилоф равишда моддий маданий бойликларни Ўзбекистон Республикасининг божхона чегарасидан ўтказганлик учун жавобгарликни назарда тутувчи янги моддалар билан тўлдирилмоқда.
Қонуннинг қабул қилиниши тарихий, илмий, бадиий ёки бошқа маданий қимматга эга бўлган ашё ёки ҳужжатларни қонунга хилоф равишда эгаллаш, Ўзбекистон Республикаси ва хорижий мамлакатлар халқларининг бадиий, тарихий ва археологик мероси ашёларини Ўзбекистон Республикаси ҳудудига қайтармаслик, қонунга хилоф равишда моддий маданий бойликларни Ўзбекистон Республикасининг божхона чегарасидан ўтказиш ҳолатларини олдини олишга хизмат қилади.
Қонун лойиҳаси жамоатчилик муҳокамасига тақдим этилди.
