10 октябрь санасига ўтар кечаси Ўзбекистон журналистика ва оммавий коммуникациялар университети, Халқаро ва аудиовизуал журналистика факультетининг, Телерадио журналистикаси 1-босқич талабаси 1996 йилда туғилган Жумабоев Ҳусниддин Шухратбек ўғли ўзининг “GLOBAL TV” (youtube, instagram, tiktok) саҳифаларида ижара уйларнинг нархи кўтарилиши борасида видео юклаган.
Ушбу видеода уй эгаси қизларни уйидан чиқиб кетиши ва уларнинг ўрнига 600 АҚШ долларига россиялик ижарачи кутиб турганлигини айтган.
Ижтимоий тармоқларда тарқалган бу ҳолат юзасидан Ўзбекистон журналистика ва оммавий коммуникациялар университети муносабат билдирди.
Университетнинг маълум қилишича, ушбу видео саҳналаштирилган бўлиб, видео контентни тайёрлаш ғояси ОАВдаги “Хавф остида яшаётган ижарадаги қизлар” мақоласидан кейин туғилган.
Аниқланишича, бу видео Ҳусниддин Жумабоевнинг Тошкент шаҳар, Чилонзор туманида жойлашган холасининг уйида олинган бўлиб, ундаги иштирокчилар ўзининг курсдошлари.
"Видеолавҳа саҳналаштиришда иштирок этган талабалар бу каби ҳолатга дуч келган жабрланувчилар эмаслигини расман маълум қиламиз", - дейилади баёнотда".
