Бироз аввал, Дзюдо бўйича Жаҳон чемпионатининг финал беллашуви бўлаётгани ва томоша қилиш учун шахсан президент Шавкат Мирзиёев “Ҳумо Арена”га ташриф буюргани ҳақида хабар берган эдик.
Финалда ўзбекистонлик дзюдочи Давлат Бобонов Италия вакили Кристиан Парлати билан беллашди.
Қувонарлиси эса финал якунига кўра, Давлат Бобонов дзюдо бўйича Тошкентда ўтаётган Жаҳон чемпионатида -90 кг вазн тоифасида дунёнинг энг кучли полвонларини мағлуб этиб, ушбу тоифада тенгсиз эканини кўрсатди. Дзюдочимиз финалда италиялик Кристиан Парлати устидан ғалаба қозонди.
Давлат раҳбари дзюдо бўйича Жаҳон чемпионатининг -90 кг вазн тоифасидаги совриндорлар бўйнига медалларни шахсан ўзи тақиб қўйди.
