Австрияда якшанба куни маҳаллий вақт билан соат 07:00да президентлик сайлови учун дастлабки сайлов участкалари очилди. Сайловчилар етти номзоддан бирини танлаши керак бўлади, сўровларга кўра, амалдаги давлат раҳбари Александр Ван дер Беллен кўпчилик овозини йиғиши мумкин.
Биринчи турда ғалаба қозониш учун 50% дан ортиқ овоз тўплаш керак. Ван дер Белленнинг рейтинги сўров натижаларига кўра, 51 фоиздан 59 фоизгача. Ундан кейинги машҳурлик бўйича Вальтер Розенкранц (Австрия Озодлик партияси номзоди) ва Тассило Валлентин (мустақил номзод) мос равишда 16 ва 9 фоиз овоз билан бормоқда.
Австрия парламентли республика бўлиб, президент асосан вакиллик функцияларини бажаради. Давлат раҳбари канцлер ва вазирлар маҳкамасининг бошқа аъзоларига номзодларни тасдиқлайди, ҳукумат раҳбарини ва вазирлар маҳкамасининг бутун таркибини лавозимидан озод этиш ҳуқуқига эга. Президент, шунингдек, қуролли кучларнинг олий қўмондони ҳисобланади.
Австрияда 6,4 миллиондан ортиқ киши овоз бериш ҳуқуқига эга.
