Бугун Индонезияда бўлиб ўтган футбол ўйини вақтида кўплаб одамлар ҳалок бўлди.
Маълумотларга кўра, мағлубиятга учраган томон мухлислари ўйиндан кейин майдонга чиқишган, полиция ходимлари эса уларни тинчлантириш учун кўздан ёш оқизувчи газ ишлатган. Оқибатда 127 киши ҳаётдан кўз юмган.
Ўзбекистон президенти юз берган мазкур ҳодиса боис Индонезия Президенти Жоко Видодога таъзия йўллади. Бу ҳақда унинг матбуот котиби хабар бермоқда.
Таъкидланганидек, давлат раҳбари вафот этганларнинг оила аъзолари ва яқинларига ҳамдардлик билдирди, жароҳатланганлар тез орада шифо топишини тилаган.
