Самарқанд вилояти Булунғур туманида содир бўлган йўл-транспорт ҳодисаси оқибатида вояга етмаган бола ҳалок бўлди. Бу ҳақда вилоят ИИБ ахборот хизмати хабар берди.
Маълум қилинишича, 16 сентябрь куни соат 09:00 ларда туманнинг Пахтабоши қишлоғидан ўтувчи ички автомобиль йўлда ҳаракатланиб келаётган юк транспорт воситаси ўзи билан бир йўналишда велосипедда ҳаракатланиб кетаётган 4-синф ўқувчисини уриб юборган.
ЙТҲ оқибатида 10 ёшли мактаб ўқувчиси олган тан жароҳатлари сабаб воқеа жойида вафот этган.
Ҳолат юзасидан Самарқанд вилояти ИИБ ЙҲХБ томонидан бола ўқиган мактабда тарғибот тадбирлари ўтказилган.
