Финляндиянинг Nokia компанияси Россияни тарк этишга қарор қилди. Бу ҳақда компаниянинг расмий хабарида маълум қилинди.
Қайд этилишича, компаниянинг бундай қарорга келишига Россия Украинада махсус операция ўтказиши сабаб бўлган.
Сўнгги бир неча ҳафта ичида Nokia етказиб беришни, бизнес жараёнларини тўхтатди ва тадқиқот ҳамда ишланмаларни Россиядан ташқарига кўчирди. Энди компания бозорни бутунлай тарк этмоқда.
Компания маълумотларига кўра, 2021 йилда савдоларнинг 2 фоизи Россия ҳиссасига тўғри келган.
