Златко Далич Хорватия терма жамоаси билан янги шартнома имзолади

Хорватия терма жамоаси бош мураббийи Златко Далич янги шартнома имзолади. Бу ҳақда soccer.ru хабар берди. 

Қайд этилишича, 55 ёшли мутахассис 2024 йилга қадар янги шартнома имзолади. У 2017 йилдан буён Хорватия терма жамоасини бошқариб келмоқда. 

Маълумот учун, Далич қўл остида Хорватия терма жамоаси ЖЧ-2018да финалга қадар етиб борган ҳамда ҳал қилувчи баҳсда Францияга ютқазиб қўйган.