Британиялик хонанда Адель Бельгия пойтахти Брюссел шаҳрида юз берган терактлар оқибатида ҳалок бўлганларнинг хотирасига бағишлаб, қўшиқ куйлади. Бу ҳақда “Gazeta.ru” хабар бермоқда.
Адель Лондон шаҳридаги концерт дастурида Боб Диланнинг Make You Feel My Love қўшиғини куйлаб, уни теракт қурбонларига бағишлади.
Мазкур концертда иштирок этган томошабинлардан бири хонанданинг чиқишини видеотасвирга муҳрлади.
Маълум бўлишича,томошабинлар хонандани телефон чироқларини ёқиб, қўллаб-қувватлаб турган.
“Мен ҳеч қайси шоу-дастуримда бунчалик таъсирланмаган эдим. Бугунги концерт ажойиб бўлди. Ўйлайманки,улар(Брюссел теракти қурбонлари) бизни эшитди”,—деди Адель.
