Англиянинг “Манчестер Юнайтед” жамоаси “Наполи” ҳужумчиси Гонсало Игуаинга қизиқиш билдирмоқда. Бу ҳақда Daily Star нашри хабар бермоқда.
Маълумотларга кўра, Жозе Моуриньо “қизил иблислар” бош мураббийига айланса, у аргентиналик тажрибали ҳужумчини жамоага олиб келади. Қайд этиш керакки, Игуаин “Реал”да Моуриньо билан бирга ишлаган. Аввалроқ аргентиналикка “Челси” катта қизиқиш билдирганди.
28 ёшли футболчининг неаполликлар билан шартномаси 2018 йилга қадар мўлжалланган. Жорий мавсумда Игуаин 36 ўйинда майдонга тушиб, 29 та гол ва 3 та голли узатмага муаллифлик қилган.
