“Барселона” жамоаси раҳбарияти клубнинг уй ўйинлари ўтказиладиган “Камп Ноу” стадионини реконструкция қилиш лойиҳасининг дастлабки суратларини намойиш қилди.
Режага кўра, янгиланган стадион ўз бағрига 105 минг мухлисни сиғдиради. “Камп Ноу”нинг ҳозирги сиғими 99 мингни ташкил этади.
Реконструкция жараёни жорий йилнинг ёзида бошланиб, 2021 йилга қадар якунланиши кўзда тутилган. “Камп Ноу”нинг янгиланишига 600 миллион евро сарфланади.
Маълумот учун, “Камп Ноу”ни реконструкция қилиш учун қурилиш компаниялари ўртасида ўтказилган тендерда 8 та компания орасида Nikken Sekkei ҳамда Pascual i Ausi Arquitectes компанияларининг биргаликдаги лойиҳаси тендер ғолиблигини қўлга киритган.
