“Локомотив” футбол жамоасининг футболчиси Дмитрий Тарасовнинг хотини, телебошловчи Ольга Бузова Россия президенти Путиннинг расми туширилган футболка кийганлиги учун жазоланган турмуш ўртоғини қўллаб-қувватлади, деб хабар берди “Lenta.ru” нашри.
“Биз Дима билан бир-биримизни ҳар қандай вазиятда ҳам тушунишга, қўллаб-қувватлашга ҳаракат қиламиз. Мен унинг бу ватанпарварлик ҳаракатида ҳеч қандай ҳақоратомуз ҳолатни кўрмадим. У шу тариқа ўз ватанига, президентига бўлган муҳаббатини намойиш этган”, — деди Бузова.
18 февраль куни Тарасовни “Локомотив” клуби 300 минг евро жарима тўлашга мажбур қилган. Клуб илгари ҳам ўйинчини ножўя ҳатти-ҳаракати учун муҳокама қилган эди. УЕФА ҳам футболчига интизомий жазо берди, сиёсий ташвиқоти учун энди у 10 та матчда қатнашиш ҳуқуқидан маҳрум этилди, шунингдек, клубнинг бўйнига санкция қўйилди. Воқеа сешанба, 16 февраль куни Стамбул шаҳрида ўтказилган Европа Лигасида “Фенербахча” (0:2) клуби билан бўлган матчда рўй берган эди.
