Белорусия Президенти Aлександр Лукашенко мамлакат аҳолисининг аксарияти унга овоз берганига амин ва 500 мингга яқин белоруслар уни президентлик лавозимида кўришни хоҳламасликларини айтди.
"Биз одамлар борлигини билардик, улар жуда кўп эди - ярим миллион. Улар илгари амалдаги президентга овоз беришмаган (тахминан шунча). Aйнан шу нарса сўнгги сайловларда содир бўлган. Aммо буни тушунишингиз керак. 6 миллионга яқин одам амалдаги ҳукуматга, амалдаги президентга овоз берди",–деди Лукашенко пайшанба куни қонунчиликни такомиллаштириш бўйича йиғилишда.
Маълумот ўрнида, жорий йил 11-12 февраль кунлари олтинчи маротаба Бутунбеларусь халқ йиғилиши ўтказилади.
Йиғилиш илк бор 1996 йилнинг октябрь ойида Конституцияга ўзгартиришлар киритиш бўйича референдумдан олдин ўтказилган. Ўшандан бери бундай учрашувлар ҳар 5 йилда бир марта ўтказилиб, келгуси беш йилга мўлжалланган ижтимоий-иқтисодий ривожланиш дастурини тасдиқлайди.
Бундай учрашувлар 2001, 2006 ва 2010 йилларда Президент сайловларидан бироз олдин ўтказилган. Бешинчи Бутунбеларусь халқ йиғилиши 2016 йилнинг ёзида Президентлик сайловларидан сўнг бўлиб ўтган.
