Koreyaga ishga borish orzusi qimmatga tushdi

2018 yilning may oyida Yunusobod tumanida 37 yoshli Ibrohimjon J. 30 yoshli Fozil B.ning ishonchiga kirib, uni Janubiy Koreyaga ishga jo`natishini va`da qilgan. O`zining "xizmatlari" uchun 15.310.000 so`m olib, va`dasida turmasdan, pullarni o`z ehtiyojiga sarflab yuborgan. Ushbu fakt bo`yicha O`zbekiston Respublikasi Jinoyat kodeksining 168-moddasi ("Firibgarlik") bo`yicha jinoiy ish qo`zg`atildi.
Toshkent shahar IIBB toshkentliklar va poytaxt mehmonlarini ishonuvchan bo`lmaslikka, o`zlariga notanish har qanday kimsaning va`dalariga ishonib, firibgarlikning qurboniga aylanib qolmaslikka chaqirmoqda.