Toshkent IIBB YHXB xodimlari 6 dekabr kuni bo`lib o`tgan brifingda ma`lum qilishlaricha, 2019 yil 1 yanvardan xorijga chiqish stikerlarining o`rniga xorijga chiqish biometrik posporti joriy qilinadi.
Xorijga chiqish biometrik pasportini olish uchun quydagi hujjatlarni taqdim etish kerak:
- ish joyi, o`qish joyi yoki hududiy o`zini o`zi boshqarish organida tasdiqlangan ariza (bir nusxada);
- 3,5 sm. x 4,5 sm. hajmdagi bitta rasm;
- pasport nusxasi;
- harbiy komissariatdan (voenkomat) hujjat (harbiy xizmatni o`tashi kerak bo`lganlar uchun);
- davlat boji to`langanligi haqida kvitansiya.
To`lov miqdori taxminan EKIHning 1,5 baravarida (304 095 so`m) bo`ladi.
Xorijga chiqish biometrik pasporti 10 kun ichida tayyorlanadi. Yangi hujjatning amal qilish muddati 10 yil bo`lib, 48 betdan iborat bo`ladi.
Ta`kidlash joiz, fuqarolar viza talab qilinmaydigan davlatlarga oddiy biometrik pasportlari bilan 2021 yil 1 yanvarga qadar chiqishlari mumkin.
