Xitoyning Shanxay shahrida Birinchi Xitoy xalqaro import-eksport forumi o`z ishini boshladi, deya xabar qilmoqda Vesti nashri.
5–10 noyabr kunlari bo`lib o`tadigan xalqaro savdo forumini ochilish marosimida mamlakat rahbari Si Szinpin ishtirok etdi va nutq so`zladi. Unda dunyoning bir qator mamlakatlaridan nufuzli mehmonlar ishtirok etishmoqda. Misr Bosh vaziri Mustafo Madbouli, shuningdek, Keniya, Laos, Litviya bosh vazirlari shular jumlasidandir. Ilk bora tashkil etilgan ushbu forumda Xitoy va ishtirokchi mamlakatlar orasidagi savdo masalalari muxhokama qilinishi va yangi kelishuvlarga erishish kutilmoqda.
