Kecha, 16 avgust kuni jinoyat ishlari bo`yicha Toshkent viloyat sudida Ahmadjon Tursunboev va uning sheriklari tomonidan amalga oshirilgan jinoiy ishlari bo`yicha navbatdagi sud majlisi bo`lib o`tdi, deb xabar qildi “Uzbekistan24.uz”.
Qayd etish kerakki, Ahmadjon Tursunboev va uning sheriklariga nisbatan ayni damda O`zbekiston Respublikasi Jinoyat kodeksining 5 ta moddasi bo`yicha jinoyat ishi qo`zg`atilgan. Xususan ular Jinoyat kodeksining 177-moddasi 3-qismi “a”, “b” bandlari (valyuta qimmatliklarini qonunga xilof ravishda olish yoki o`tkazish), 188-modda (noqonuniy tadbirkorlik faoliyati), 189-modda (savdo yoki xizmat ko`rsatish qoidalarini buzish), 190-modda 2-qismi “a”, “v” bandlari (faoliyat bilan lisenziyasiz shug`ullanish) va 243-modda (jinoiy faoliyatdan olingan daromadlarni legallashtirish) bo`yicha ayblanmoqda. Sud jarayonlari davom etmoqda.
