O‘zbekistonda 20 mart rasman Ramazon hayiti kuni deb e’lon qilindi. Bu haqda Adliya vazirligining "Huquqiy axborot" Telegram-kanalida ma’lum qilindi.
Qayd etilishicha, bayramlar munosabati bilan fuqarolar quyidagi kunlarda dam oladi:
— 20 mart (juma) – Ramazon hayiti kuni; — 21 mart (shanba) – Navro‘z bayrami; — 22 mart (yakshanba) – dam olish kuni; — 23 mart (dushanba) – 5 kunlik ish haftasida ishlovchilar uchun qo‘shimcha dam olish kuni.
Ma’lum qilinishicha, 23 mart kuni dam olish bayram kuni yakshanba to‘g‘ri kelgani sababli ko‘chirilgan. 6 kunlik ish haftasidagi xodimlar uchun esa ushbu kuni ish kuni hisoblanadi.
