Tog'a orasidagi yo'lda "Captiva" avtomobili ag'darilib ketishi ortidan haydovchi shifoxonada vafot etdi.
2026 yil 19 yanvar kuni soat 21:00 larda Farg'ona tumanining "Yordon" MFY hududida yo'l-transport hodisasi sodir bo'ldi. Ma'lum qilinishicha, 1981 yilda tug'ilgan A.A. "Captiva" rusumli avtomobilni transport harakati uchun mo'ljallanmagan tog' orasidagi kichik dara yo'lda boshqarib ketgan.
Qor yog'ishi va yo'lning sirpanchiq bo'lishi oqibatida haydovchi boshqaruvni yo'qotib, avtomobil ag'darilib ketgan. Hodisa natijasida haydovchi og'ir tan jarohati — "bosh miya yopiq shikasti, koma holati" bilan shifoxonaga yotqizilgan.
Biroq ko'rsatilgan tibbiy yordamlarga qaramay, u vafot etgan. Holat yuzasidan Farg'ona viloyati IIB JXH YXHB tomonidan tegishli tartibda surishtiruv ishlari olib borilmogda.






