Eng yuqori ko‘rsatkich Toshkent shahriga to‘g‘ri keldi. Soliq qo‘mitasi xabariga ko‘ra, 27-dekabr holatiga qadar noyabr oyida 164,2 million dona chek uchun jami 130,4 milliard so‘mdan ortiq keshek to‘langan.
To‘langan kesheklarning eng katta qismi — 37,6 milliard so‘m Toshkent shahri hissasiga to‘g‘ri kelgan.
Keyingi o‘rinlarni 19,3 milliard so‘m bilan Farg‘ona viloyati hamda 15,2 milliard so‘m qaytarilgan Toshkent viloyati egalladi.
Shuningdek, ro‘yxatdan o‘tkazilgan cheklar uchun Qoraqalpog‘istonda 9 milliard so‘m, Samarqand viloyatida esa 8,8 milliard so‘m keshek berilgan.
Avvalroq respublikada 9 oy davomida qurilish korxonalariga 300 milliard so‘mdan ortiq soliq imtiyozlari ajratilgani, shuningdek, 35 mingdan ziyod fuqaroga 153 milliard so‘mdan ortiq subsidiya berilgani ma’lum qilingandi.
