Strategic Focus: Middle East and North Africa hisobotiga ko‘ra, 2025 yil davomida Eronda kamida 1922 kishi o‘lim jazosi bilan jazolangan. Bu ko‘rsatkich 2024 yilga nisbatan deyarli ikki barobar oshgan. Shulardan 10 nafar shaxs omma oldida qatl etilgan. Hisobot 10 826 ta tasdiqlangan ma’lumotlar asosida tuzilgan.
Ma’lumotlarga ko‘ra, jazolanganlarning 87 foizini erkaklar, 3 foizini ayollar tashkil etadi, qolgan 10 foiz bo‘yicha aniqlashtirilgan ma’lumot yo‘q. Shuningdek, ikki nafar voyaga yetmagan shaxs ham o‘lim jazosi bilan jazolangan.
Qatl etilganlarning yarmidan ko‘pi qotillik, qolgan qismi esa asosan giyohvand moddalar bilan bog‘liq jinoyatlar uchun hukm qilingan. Bundan tashqari, yil davomida yana 168 kishi o‘lim jazosiga hukm etilgani qayd etilgan.
