Oxirgi 3 yilda bojxona organlari tomonidan 40 ga yaqin holatlarda yovvoyi hayvonlar va yovvoyi o‘simliklarni bojxona postlari orqali yashirincha olib o‘tish bilan bog‘liq holatlar aniqlandi. Natijada 350 boshga yaqin yovvoyi qushlar, 600 boshga yaqin turli yovvoyi hayvonlar, 100 yaqin hayvonlar shoxlari, teri va shu kabi ashyolar va yanada achinarlisi, 7,7 mingga yaqin turli yovvoyi o‘simlik, 10 ming donadan ziyod hashoratlarni olib o‘tishga urinish bo‘lgan. Inobatga olinishi kerak bo‘lgani ko‘proq olib kirishga bo‘lgan holatlar ko‘zga tashlanadi. "Respublikaga butun dunyo qizil kitobiga kiritilgan eng noyob hayvonlarni ham olib kirishga urinishlarini guvohi bo‘ldik" - deydi Bojxona qo‘mitasi axborot xizmati rahbari.
Noyob hayvonlar ushlangan zahoti Bojxona organlari tomonidan Toshkent hayvonot bog‘iga topshiriladi.
"Afsuski hayvonlarni noqonuniy olib kirishda bagajlar ichida, samolyot yukxonasida, mevalar orasiga yashirib, yo‘l sumkalariga zichlab joylab olib kirishga urinishlar bo‘lgan. Bu holatlarni bemavol hayvonlarga shafqatsizlarcha muomalada bo‘lish deyish mumkin. Hatto shunday olib kirish oqibatida nobud bo‘lgan hayvonlar bor." - deb so‘zlarini yakunladi Husan Tangriyev.
CITES CoP20 konferensiyasidan so‘ng Bojxona va Ekologiya va iqlim o‘zgarishi milliy qo‘mitalari o‘rtasida hamkorlik yanada kuchaytiriladi va jarayonlar raqamlashtiriladi.
