The New York Times xabar berishicha, og‘irligi 137 karatdan ortiq bo‘lgan qimmatbaho tosh omborda bir asrdan ziyod vaqt saqlangan. Olmos haqidagi ma’lumotni Gabsburglar sulolasi boshlig‘i — Charles Gabsburg-Lotaringiya oshkor etgan.
Hajmi bo‘yicha yong‘oqqa teng bo‘lgan bu olmos dunyodagi to‘rtinchi eng yirik marvarid hisoblanadi. U Avstriya-Vengriya imperiyasi qulashi oldidan, 1918 yil noyabrida imperator Karl I nomidan Avstriyadan Shveytsariyaga olib ketilgan.
Imperator Zitaga bo‘lgan hurmat tufayli olmosning joylashuvi o‘nlab yillar davomida sir saqlangan. U faqat ikki o‘g‘liga bu haqda aytgan va 1922 yilda Karl I vafotidan so‘ng ma’lumotni 100 yil ochiq qilmaslikni so‘ragan.
Oila 1940 yilda fashistlardan qochib, avval AQShga, keyin Kanadaga ko‘chib o‘tgan. Zita olmoslarni kichik chamadonda saqlab yurgan, ammo 1953 yilda Yevropaga qaytganida ularni Kvebek bankida qoldirgan.
Charles Gabsburg-Lotaringiyaning ma’lum qilishicha, Florensiya olmosi endilikda Kanadadagi trest qismi sifatida saqlanadi va yaqin yillarda mamlakat muzeyida namoyish etilishi rejalashtirilgan.
