Ijtimoiy tarmoqlarda tarqalgan xabarlarga izoh sifatida ma’lum qilinishicha, 2025 yil 29 sentyabr kuni Istanbul shahrida 6 nafar O‘zbekiston fuqarosi, jumladan blogger “Jasmin” mahalliy politsiya tomonidan qo‘lga olingan.
Rasmiy ma’lumotlarga ko‘ra, ushbu shaxslar giyohvandlik vositalari va psixotrop moddalarning noqonuniy muomalasi bilan bog‘liq jinoyatni sodir etishda gumon qilinmoqda. Tintuv davomida olingan dalillar ekspertizaga yuborilgan.
Qo‘lga olingan shaxslar 30 sentyabr kuni Maltepe yopiq turdagi jazoni ijro etish muassasasiga joylashtirilgan. Ayni vaqtda tergov harakatlari davom etmoqda.
