Isroil armiyasi Gʻazodagi shifoxonani oʻqqa tutdi

28 sentyabr kuni Isroil armiyasi G‘azo sektorida joylashgan “Al-Helou” shifoxonasini ikki artilleriya o‘qi bilan nishonga oldi. Bu haqda Falastin axborot agentligi WAFA xabar berdi. Ma’lumotlarga ko‘ra, hujum vaqtida shifoxonada saraton va boshqa og‘ir kasalliklardan davolanayotgan bemorlar, shuningdek, neontalogiya bo‘limida 12 nafar erta tug‘ilgan chaqaloq bo‘lgan. Tibbiyot xodimlarining bildirishicha, Isroil tanklari shifoxonani o‘rab olib, binodan chiqish yo‘llarini to‘sib qo‘ygan. Natijada 90 dan ortiq odam, jumladan shifokorlar, hamshiralar va bemorlar ichkarida qolib ketgan. Hujum oqibatida qurbonlar bo‘yicha aniq ma’lumot berilmagan.