Davlat xavfsizlik xizmati tomonidan o‘tkazilgan tezkor tadbirda Migratsiya agentligining Namangan viloyati bo‘limi bosh mutaxassisi va markaziy apparat xodimasi Janubiy Koreyaga ishga yuborish evaziga fuqarolardan yirik miqdorda pul olib, firibgarlik qilganlikda gumon qilinib qo‘lga olindi.
Qayd etilishicha, ular 80 nafardan ortiq fuqaroni xorijga yuborishni va’da qilib, jami 700 ming AQSH dollaridan ortiq mablag‘ni olgan. Ulardan biri jinoyat ustida 41 ming, ikkinchisi esa 15 ming dollar olayotganda ushlangan.
Mazkur holat yuzasidan Jinoyat kodeksining 168-moddasi (Firibgarlik) va 28,211-moddasi (Poraga sheriklik) bilan jinoyat ishi qo‘zg‘atilib, jinoyiy guruhning qolgan a’zolarini aniklash bo‘yicha tergov davom etmoqda.
