Germaniya tashqi ishlar vaziri Yoxann Vadeful Rossiyaning Ukrainaga nisbatan tajovuzkor harakatlariga yechim sifatida hududiy murosalarni rad etdi. U ijtimoiy tarmoqdagi bayonotida: “Zo‘ravonlik bilan chegaralar o‘zgartirilmasligi kerak”, — deya fikr bildirdi.
Yoxann Vadeful ta’kidlashicha, Germaniya Kiyevni qo‘llab-quvvatlashda davom etadi va AQSh prezidenti Donald Trampning urushni to‘xtatish bo‘yicha tashabbusini qo‘llab-quvvatlaydi. “Natija adolatli va mustahkam tinchlik bo‘lishi lozim”, — deydi u.
Shuningdek, Britaniya bosh vaziri Kir Starmer va Kanada bosh vaziri Mark Karni ham Ukraina roziligi bo‘lmasdan tinchlik bitimini tuzish mumkin emasligini bildirdi. Londonning bayonotida Ukraina kelajagi faqat erkinlik, suverenitet va o‘z taqdirini o‘zi belgilash asosida qurilishi kerakligi qayd etilgan.
