Germaniya Tashqi ishlar vazirligi Isroildan Gʻazo sektorida Al Jazeera telekanali jurnalisti Anas Jamol ash-Sharif va yana toʻrt nafar OAV xodimi halok boʻlgan hujum yuzasidan izoh berishni talab qildi.
Berlinning taʼkidlashicha, Isroil nafaqat ushbu hujum sabablarini ochiqlashi, balki halok boʻlgan jurnalistning xalqaro himoya maqomidan qanday qilib mahrum qilinganligi boʻyicha ham tushuntirish berishi kerak.
Rasmiy maʼlumotlarga koʻra, urush boshlanganidan beri Isroil harbiy amaliyotlari oqibatida 200 dan ortiq jurnalist hayotdan koʻz yumgan. Germaniya bu raqamni "qabul qilib boʻlmaydigan darajadagi" deb ataydi. Isroil esa oʻz navbatida, ash-Sharifni HAMASning yuqori lavozimli aʼzosi deb atab, jurnalistik faoliyati niqob boʻlganini iddao qilmoqda.
