Ijtimoiy tarmoqlarda Qo‘qon shahrida avtoturarjoy talashib, o‘zaro mushtlashgan fuqarolar qo‘lga olingan. Voqea Farg‘ona viloyat IIB tomonidan o‘rganib chiqilgan.
Bildirilishicha, voqea joriy yilning 5 avgust kuni Qo‘qon shahrida sodir bo‘lgan. A.N. va A.G‘. o‘rtasida o‘zaro kelishmovchilik ortidan janjal kelib chiqib, ular bir-biriga jarohat yetkazgan.
Holat yuzasidan shahar IIB xodimlari tomonidan tergovgacha qadar tekshiruv harakatlari olib borilib, ularga nisbatan 52- va 183-moddalari tartibida ma’muriy bayonnomalar rasmiylashtirilgan.
Ma’lumot uchun, yuqorida keltirilgan moddalari engil tan jarohati yetkazish va mayda bezorilik bilan bog‘liq.
