"Na aloqa" loyihasi hisob-kitoblariga ko'ra, Rossiyada 2025 yil iyul oyida internet aloqasi kamida 2099 marta uzilgan. Bu ko'rsatkich may oyidagi 69 va iyundagi 662 marta kuzatilgan uzilishlardan sezilarli darajada ko'p.
Odatda uzilishlar qisman bo'lib, bir shaharning ba'zi hududlarida internet ishlagan, boshqalarida esa butunlay yo'qolgan. Biroq iyulda Krasnoyarskiy o'lkasida butunlay uzilgan holatlar ham bo'lgan — ayrim qishloqlarda odamlar 5 kun davomida internetga ulanmagan.
"Internetni himoya qilish jamiyati" hisobiga ko'ra, bu uzilishlar iyulda kamida 25 milliard rub' iqtisodiy zarar keltirgan. Hudud rahbarlari esa buni dron hujumlariga qarshi xavfsizlik chorasi deb izohlashgan, aholiga naqd pul jamg'arishni tavsiya qilmoqda.
Nijniy Novgorod viloyati rahbari Gleb Nikitin esa bu holatga ijobiy qarashga chaqirdi — "bu raqamli detoks uchun imkoniyat", deya ta'kidlagan u.
