Ukraina parlamenti 22 iyul kuni qabul qilgan 12414-sonli qonun loyihasiga ko‘ra, Mamlakatning asosiy antikorrupsiya idoralari — NABU va SAP — Bosh prokuraturaga bo‘ysundiriladi. Qonun genprokurorga tergov ishlarini nazorat qilish, prokurorlar o‘rtasida vazifalarni qayta taqsimlash va yozma ko‘rsatmalar berish huquqini beradi.
Kiyevdagi Ivan Franko maydonida mingdan ortiq fuqaro qonunga qarshi miting o‘tkazdi. Aksiya ishtirokchilari prezidentdan qonunga veto qo‘yishni talab qilmoqda. Shuningdek, shunga o‘xshash norozilik tadbirlari Lvov va Dneprda ham rejalashtirilgan.
Yevrokomissar Marta Kos bu qonun orqali “NABU mustaqilligini yo‘qqa chiqarish Yevropa yo‘lida jiddiy orqaga chekinish” ekanini ta’kidladi.
