Qozon shahri havo hududining yopilishi sabab Farg‘onadan uchuvchi aviareys kechiktirildi. Bu haqda Uzbekistan Airways xabar berdi.
Xabarga ko‘ra, Qozon shahri havo hududining yopilishi munosabati bilan, Uzbekistan Airways aviakompaniyasining HY9651/9652 reysi (Farg‘ona—Qozon—Farg‘ona yo‘nalishi) majburan kechiktirildi va quyidagi jadval asosida amalga oshiriladi:
- Farg‘onadan uchish — 15:00, Qozonga yetib kelish — 16:45
- Qozondan uchish — 18:00, Farg‘onaga yetib kelish — 23:30
Vaqtlar mahalliy vaqt bo‘yicha ko‘rsatilgan. Yuzaga kelgan noqulayliklar uchun uzr so‘ralgan.
