Shveysariyada o‘rdak ruxsat etilgan tezlikni oshirgani uchun jarima belgilaydigan radarga tushib qoldi. Bu haqda “Sky News” xabar berdi.
Politsiya xabariga ko‘ra, Bern shahri yaqinida o‘rdak soatiga 52 km tezlikda uchib ketgan, holbuki ushbu hududda 30 km/soat tezlik chegarasi amal qiladi.
Qiziq tomoni shundaki, bu holat birinchi marta ro‘y berayotgani yo‘q – politsiya ma’lumotiga ko‘ra, 2018 yilda ham aynan shu joyda va shu tezlikda boshqa o‘rdak kameraga tushgan. Hukumat bu holatni “xuddi o‘sha qush yoki uning chaqqon qarindoshi” deb taxmin qilmoqda.
“Biz har yili kameralarni tekshirib chiqamiz va barcha ma’lumotlar ehtiyotkorlik bilan arxivlanadi”, deya bayonot bergan politsiya.
Ofitserlar bu surat texnik manipulyatsiya mahsuli bo‘lishi mumkinligini ham inkor etmayotgan bo‘lsa-da, ushbu ajoyib tasodifga hazil bilan yondashishmoqda va jamoatchilik ham buni shunday qabul qilishiga umid qilmoqda.
