Ukraina prezidenti Vladimir Zelenskiy 15-may kuni Turkiyada o‘tadigan muzokaralarda Rossiya tomonidan kim ishtirok etishini kutmoqda. Bu haqda u urushning 1176-kuni yakunlari bo‘yicha qilgan murojaatida ma’lum qildi.
“Dunyo Putindan oddiygina ‘ha’ degan javobni kutayotgan bir vaqtda u yana Ukrainani o‘qqa tutmoqda. Buning harbiy jihatdan foydasi yo‘q, bu urushni cho‘zishdan boshqa narsa emas”, — deydi Zelenskiy.
Uning aytishicha, Rossiyadan kelayotgan bayonotlar hozircha ishonchli emas.
“Rossiya tomonidan kim kelishini kutyapman. Shunga qarab, Ukraina qanday qadam tashlashi kerakligini hal qilamiz”, — deydi u.
Shuningdek, Zelenskiy AQSh sobiq prezidenti Donald Tramp ham muzokaralarda ishtirok etish ehtimoli borligini eslatib o‘tdi.
“Bu eng kuchli argument bo‘lishi mumkin”, — deydi u.
Zelenskiy shunday qo‘shimcha qilgan:
“Ukraina hech qanday uchrashuvdan qo‘rqmaydi. Biz har qanday muzokara shakliga tayyormiz. Ertaga — Turkiyada.”
