Buxoro shahridagi xususiy klinikada tibbiy muolaja olgan 13 yoshli bola vafot etganligi holati yuzasidan tekshirish o‘tkazildi. Bu haqda Bosh prokuratura matbuot kotibi Hayot Shamsuddinov ma’lum qildi.
Qayd etilishicha, ish bo‘yicha isbotlanishi lozim bo‘lgan barcha holatlarni tekshirish hamda bir qator tergov harakatlari o‘tkazish lozimligini inobatga olib, Jinoyat kodeksining 116-moddasi (Kasb yuzasidan o‘z vazifalarini lozim darajada bajarmaslik) bilan jinoyat ishi qo‘zg‘atilgan.
“Barcha zarur tergov harakatlari o‘tkazilganidan so‘ng ish bo‘yicha qonuniy to‘xtamga kelinadi”,— deyiladi ma’lumotda.
Eslatib o‘tamiz, kecha “Darakchi.uz” Buxorodagi xususiy klinikada 13 yoshli bola vafot etgani yuzasidan surishtiruvini e’lon qilgan edi.
