Kuni kecha, viloyat FVB, Xavfli jarayonlarni kuzatish markazi Shahrisabz tuman bo‘limi, Kitob tuman Hokimligi va tuman IIB hamkorligida maxsus-taktik o‘quv mashqi bo‘lib o‘tdi.
Mashq rejasiga ko‘ra, ushbu avtomobil yo‘lida fuqarolar va transport vositalarining xavfsiz harakatlanishini ta’minlash maqsadida, yo‘l atrofidagi ko‘chki va tosh qulashi xavfi mavjud bo‘lgan hududlarda tegishli muhandis-texnik tadbirlar amalga oshirildi.
Mutaxassislarning xulosasiga ko‘ra, ushbu dovondan o‘tuvchi avtomobil yo‘liga tosh tushish xavfi bo‘lgan 17 ta joylardan viloyat Favqulodda vaziyatlar boshqarmasi qutqaruv otryadi qutqaruvchilari tomonidan majburiy tosh tushirish ishlari amalga oshirildi.
Shu bilan birga, viloyat Favqulodda vaziyatlar Davlat quyi tizimi (FVDqT) kiruvchi xizmatlari hamkorligida tushirilgan tog‘ jinslari qatnov qismidan olib tashlash ishlari bajarildi.
Eslatib o‘tamiz, ushbu davonda tog‘dan ko‘chgan tosh "Kobalt"ni bosib qolgan edi.
