Namangan viloyati Chust tumanida joylashgan attraksionda 10 kishi uchayotgan vaqtda attraksion buzilib qoldi. Bu haqda Chust tuman hokimligi axborot xizmati xabar berdi.
Hodisa 30 iyul kuni soat 17:45 larda "Chust" eko parkida sodir bo‘lgan. Attraksionning zanjirlari yig‘ilmay qolib, tepadan pastga belgilangan tezlikda tushib kelayotganida yuqoridagi fuqarolardan 8 nafari atrofdagi daraxtlarning shox-shabbalariga urilib, turli darajada tan jarohatlari olgan. Ularga kasalxonada tibbiy yordam ko‘rsatilgan.
Aniqlanishicha, jabrlanuvchilarning 2 nafari ayol, 4 nafari voyaga yetmagan qiz va 2 nafari voyaga yetmagan o‘g‘il bolalar bo‘lgan.
Chust tuman hokimligining ma’lum qilishicha, 3 nafar fuqaro yengil tan jaroxati olgan. 1 nafar fuqaroning oyoq son suyagi cingan.
Ushbu holat yuzasidan tegishli tashkilot xodimlari o‘rganish ishlarini olib bormoqda.
