Biroz avval ijtimoiy tarmoqlarda "O`zbekiston hududida neft otilib chiqyapti, ammo aniq manzili hozircha noma`lum" degan sarlavha bilan videolavhalar tarqaldi.
Ushbu holatga aniqlik kiritish maqsadida Darakchi.uz' "O`zbekneftgaz" AJ bilan bog`landi. "O`zbekneftgaz" AJ matbuot kotibining ma`lum qilishicha, bu voqea O`zbekistonda yuz bergani haqida hech qanday ma`lumot yo`q. Qolaversa, mutaxassislarning bildirishicha, videolavhalardagi suyuqlik neft emas.
Shu bilan birga, videolavhalarning biri kamida 8 oy avval portugal, arab va xitoy tillaridagi izohlar bilan, ikkinchisi esa ikki yarim yil muqaddam hech bir izohsiz tarqatilgani aniqlandi.
