Ovqatdan zaharlanish, yuqumli ichak kasalliklarini kelib chiqishining oldini olish maqsadida bozor hamda oziq-ovqat savdo do`konlari rastalaridagi mahsulotlarining sifati va iste`molga yaroqliligi bo`yicha o`rganishlar o`tkazilmoqda. Bu haqda Sanitariya epidemiologiya qo`mitasi Matbuot xizmati xabar bermoqda.
Sergeli tumani dehqon bozorida olib borilgan reyd davomida tuxum mahsuloti savdo pavilionida sifasiz va iste`molga yaroqsiz bo`lgan tuxumlar arzonlashtirilgan narxlarda sotilayotgani aniqlandi. Butunligi buzilib, organoleptik xususiyatlari o`zgargan jami 1154 dona singan tuxumlar savdodan olinib, brakeraj qilindi.
"Sotuvchilarga iste`molga yaroqsiz mahsulotlarni savdoga qo`ymaslik yuzasidan sanitariya-gigiena talablari bo`yicha qat`iy ogohlantirishlar berildi" deyiladi xabarda.
