Ijtimoiy tarmoqlarda Shahrixon tumani soliq inspeksiyasi xodimi ishtirokidagi video tarqalib, turlicha talqin qilinmoqda.
Soliq qo`mitasi “darakchi.uz” so`roviga ko`ra ma`lumot taqdim etdi.
O`zini bank xodimi deb tanishtirgan fuqaro qarindoshi M.Axmadjonovga nisbatan deklarasiya asosida hisoblangan soliqni “hal etish” maqsadida tushlik vaqtida soliq idorasiga kelgan.
Inspeksiya xodimi S.Toshmatova tushlik payti bo`lganligi sababli mas`ul xodimning qaytishini kutib turishini so`ragan.
Shu paytda fuqaro xodimlar xizmat paytida dam olayotganligini aytib, videoga olishni boshlagan.
S.Toshmatova fuqaroga bu xona soliq to`lovchilarga xizmat ko`rsatish uchun mo`ljallanmaganligini, boshqa xonada kutib turishini so`raganida, u xodimning shaxsiyatiga tegadigan so`zlarni aytib provokosiya qilish orqali noxush holatni yuzaga keltirgan.
Soliq inspeksiyasining Deklarasiya bo`yicha mas`ul xodimi kelib ushbu masala yuzasidan soliq to`lovchiga, ya`ni M.Axmadjonovga avval tushuntirish berilganini ma`lum qilgandan so`ng fuqaro inpeksiya binosidan chiqib ketgan.
