O`zbekistonda ilk barcha uchun ochiq va barobar san`at anjumani sentyabr oyining birinchi yarmida Toshkent shahrida bo`lib o`tmoqda.
U inklyuziv sohadagi etakchi mutaxassislar, Rossiya va O`zbekistonning ijtimoiy-madaniy muassasalari rahbarlari va bilimdonlarining kasbiy mahoratga oid hamkorliklari uchun yangi xalqaro maydonga ayalanishi kutilmoqda. Anjumanning bosh vazifasi sihat-salomatligida imkoniyati cheklangan shaxslarga mo`ljallangan san`at sohasidagi ilg`or inklyuziv amaliyotlarni bahs-munozara qilish va etkazishdan iborat.
Bugun Toshkentdagi Xalqaro anjumanlar saroyi maydonida Rossiyadan inklyuziv san`at ekspertlari va O`zbekiston ijtimoiy soha mutaxassislarini birlashtirgan xalqaro professional tadbirning ochilish marosimi o`tkazildi.
Anjuman dasturidan turli sohalarda inklyuziya masalalariga ixtisoslashgan etakchi rossiyalik mutaxassislarning amaliy mashg`ulot va mahorat darslari, rus va o`zbek tillarida imo-ishora tili va tiflosharhlashdan foydalangan holda inklyuziv spektakllarning ochiq namoyishi, alohida ta`lim ehtiyojlari bo`lgan kishilar haqidagi filmni tomosha va muhokama qilish o`rin olgan.
Forum tadbirlarida ishtirok etish uchun oldindan https://inclusive-uz.art sayti orqali ro`yxatdan o`tish talab etiladi. Ishtirok etish bepul. Shuningdek, yuqoridagi saytda dasturlar va jadvallar haqida ko`proq ma`lumot olish mumkin.
Forum Alisher Usmonov nomidagi “San`at, fan va sport” xayriya fondi, O`zbekiston madaniyati va san`atini rivojlantirish jamg`armasi bilan hamkorlikda tashkil etildi.
Forum dasturi Stremlenie jamg`armasi va ASDIISK inklyuziv san`at assosiasiyasi ishtirokida amalga oshirilmoqda.
Ta`kidlanishicha, anjumanning ustuvor vazifasi imkoniyati cheklangan shaxslarga mo`ljallangan san`at sohasidagi eng a`lo inklyuziv tajribalarni munozara qilish va to`plangan bilimlarni etkazishdan iborat.
