Energetika vazirligi huzuridagi “O`zenergoinspeksiya” tomonidan boshqa huquqni muhofaza qiluvchi organlar bilan birgalikda o`tkazib kelinayotgan nazorat tadbirlari davomida bir qator noqonuniy holatlar aniqlanmoqda.
Xususan, shunday holatlardan biri yaqinda Andijon viloyati Jalaquduq tumani, “G`ayrat” MFYda yashovchi Sh. E. tomonidan sodir etilgani ma`lum bo`ldi.
Gap shundaki, u o`ziga tegishli oshxona elektr qurilmalarini tarmoqqa o`zboshimchalik bilan ulab, 427,7 ming kVt-soat elektr energiyasidan noqonuniy foydalangan. Bu bilan ta`minot korxonasiga 191,5 million so`m miqdorda zarar etkazgan.
Qoidabuzar iste`molchiga nisbatan belgilangan tartibda choralar ko`rilib, tegishli hujjatlar huquqni muhofaza qiluvchi organlarga taqdim etildi.
Nazorat tadbirlari davom etmoqda.
