Ijtimoiy tarmoqlarda "Andijon viloyati Baliqchi tumanida Qora daryoda 2 ta bola cho`kib ketgani aytilmoqda, onalari dod solib yig`lab qidirib yuribdi" sarlavha ostida video tarqaldi.
Mazkur holat yuzasidan Baliqchi tumani hokimligi rasmiy munosabat bildirdi.
Qayd etilishicha, joriy yilning 24 iyul kuni Norin tumanidagi Xo`jaqo`rg`oncha va Changitma mahallalarida yashovchi 2009 va 2011 yillarda tug`ilgan N. Arabboev va I. Egamberdiev Norin tumani Changitma mahallasidan oqib o`tuvchi Qoradaryoga cho`milgani borib cho`kib ketgan.
Joriy yil 27-28 iyul kunlari ikki nafar bola Norin tumani favqulodda vaziyatlar bo`limi g`avvoslari tomonidan topilgan.
