Florida sohilidagi akulalar kontrabandachilar tomonidan okeanga tashlanayotgan kokainga o`rganib olishdi. Bu haqda zamon.uz xabar bermoqda.
Har yili rasmiylar tomonidan katta miqdordagi giyohvand moddalar plyajlarda yuvilib, okeandan olib chiqiladi. Dengiz biologi Tom Xyord Floridaning qirg`oq suvlarida yuvilgan kokainni akulalar iste`mol qiladimi, degan savolga «Kokain akulalari» nomli yangi teleserialida javob berdi. Ushbu film kelasi hafta Discovery kanalida namoyish etiladi.
Dastur doirasida Xyord va uning hamkasbi, Florida universiteti ekologi Treysi Fantana Florida-Kis orollarida giyohvandlikka chalingan akulalar ustida bir qator tajribalar o`tkazdi.
Xyord va Fantana suv ostiga sho`ng`ib, ba`zi akulalar juda g`alati harakat qilayotganini payqashdi. Odatda, odamlardan qochib ketadigan bolg`a boshli akula ular tomon diagonal suzib kelayotganga o`xshardi. 60 fut chuqurlikda ular tor maydon atrofida suzayotgan va hech narsa yo`q joyga diqqat bilan tikilib turgan qum akulasini kuzatdi.
Keyinroq ular kokain solingan qoplarga o`xshagan paketlarni suvga tashlab, akulalar qanday reaksiyaga kirishganini sinab ko`rishdi.
Tajriba davomida ular qo`g`irchoq oqqushning yoniga soxta sumkalar qo`yishdi va akulalar to`g`ridan-to`g`ri uning yoniga borib, tishlaganini ko`rib hayron qolishdi. Bitta akula hatto sun`iy sumkani tishlab olib ham ketdi.
Xyord va Fantana tajribani davom ettirdi — ular akulalarda dopaminni chiqarish uchun yuqori konsentrlangan baliq ovqatidan kokain to`pini yasadi. Dasturda akulalar to`pni ko`rib «aqldan ozgan»iniga guvoh bo`lgan.
O`zlarining so`nggi tajribasida ular samolyotdan bir qop kokain tushirgandek ko`rinishdi va preparatning akula ekotizimiga qanday kirib borishini aniqlashga harakat qilishdi. Olimlar akulalarning ayrim turlari soxta dori-darmonlarni «ovlayotganini» payqashdi.
Xyordning ta`kidlashicha, tajribalar Florida qirg`oqlarida kokainga qaram akulalar paydo bo`lganini hali isbotlay olmaydi. Uning so`zlariga ko`ra, ko`proq tajriba o`tkazish kerak. Akulalarni kokainga shunchalik jalb qilishining boshqa sabablari ham bo`lishi mumkin.
